09.04.2015
e-Books
1 Comment

Canal De La Reina [PDF]

by Liwayway A. Arceo
Binasa ko ito para tulungan ang anak ko sa kanyang final exam sa Filipino. Bukas yon. Nabasa na raw naman niya ito subali't nakalimutan na. Basahin ko raw at ikuwento sa kanya para maala-ala nya.

Ito ay nobela tungkol sa dalawang pangunahing tauhan: Si Nyora Tentay, angusuherang nagpapa-five six at umaangkin sa lupang di niya pagaari; at si Caridad, ang tunay na may-ari ng lupa na minana pa nya sa kanyang mga magulang. Ang lupang ito ay nasa dulo ng isang kalye sa Maynila, ang Canal de la Reina.

Kaalinsabay sa aking pagbabasa ang laban ni Manny Pacquio at ni Joshua Clottey kahapon. Mga alas-diyes ako nagsimula. Habang pinapanood ang mga teasers, isa-isa namang ipinapasok ni Gng. Arceo ang mga tauhan sa kanyang nobela. Ang matabil na dila ng bungangerang si Nyora Tentay ay singtabil ng dila ng mga announcers sa TV. Bago ang laban ni Pacquiao, tatlo ang boxing matches na pinalabas sa GMA at tatlo rin ang mga sub-plots na ikinuwento ni Gng. Arceo para ipakita ang kasamaan ng ugali ni Nyora Tentay: ang pagkamatay ng buntis na si Paz, ang pagmamalupit nya sa katulong nyang si Ingga at ang naging pakikialam nya sa buhay ng anak na si Victor na naging sanhi sa paghihiwalay nito sa kanyang asawang si Gracia.

Mga alas-dos na ng hapon pinalabas ng GMA ang labanang Pacquio-Clottey. Ganoon ding oras sumapit sa sukdulan ang kuwento: ang paghampas ng bagyong Gloring (27-31 Hulyo, 1972) sa Gitnang Luzon na sinasabing singlakas ng nakaraang bagyong Ondoy. Kagaya ng Ondoy, marami ring ang lumubog na mga bahay sa patuloy na pagulan sa mahigit na apat na araw.

Si Caridad ay naging parang si Pacquio. Sa simula ng kuwento ay parang dehado sya dahil maraming pera at marunong manuhol si Nyora Tentay. Si Pacquio naman ay mas mababa kay Clottey. Pero noong uminog na ang kasaysayan at nagsimula na ang Round 1, habang sumusuntok si Pacquio ay kitang-kita na ang pagkapanalo sa kaso ng pagmamayari ng lupa si Caridad. Lahat halos ng tauhan sa kasaysayan ay kampi sa kanya pati na ang manugang ni Nyora Tentay na si Gracia, ang asawa ng katiwala ng pamilya ni Caridad na si Tisya at maging si Ingga.

Noong tinanggay ng baha si Nyora Tentay ay tumaon sa katapusan ng Round 12 at itinaas na ang kamay ni Pacquio. Tapos na ang kasukdulan ng kuwento. Ang mga sumunod na pangyayari kagaya ng pansamantalang pagkabaliw ni Nyora Tentay ay kahalintulad sa pagsusuri ng mga sports analysts sa laban. Nakakabaliw ding totoo ang walang kakuwenta-kuwentang mismatched. Halos nakadikit na ang kamay ni Clottey sa kanyang ulo. Parang si Nyora Tentay na halos walang nagawa para iligtas ang kanyang bayong na puno ng alahas at salapi na inagaw sa kanya ng katulong nyang Ingga habang sila ay inaanod ng baha.

Mas maganda lang nga ang kabuuan ng Canal de la Reina kaysa sa laban ni Pacquio at Clottey. Ngunit ang kabayanihan ni Pacquio ay parang kabayanihan din na ipinakita ng mga anak ni Caridad na si Junior sa pagsali nito sa relief operation at ni Leni sa walang sawa nitong pagdamay sa mga nasaktan at nagkasakit dahil sa baha. Lutang na lutang ang mensaheng nais ipahatid ng kuwento: ang kamalayan ng mga kabataan sa mga nangyayari sa kapaligiran. Naantig ang aking puso sa isang tagpo nang si Junior, ang tinedyer at dating aktibista laban kay Marcos, ay nagpapaalam sa kanyang mga magulang na sina Salvador at Caridad. Dahil malakas pa ang hangin at ulan ay ayaw syang payagang lumabas ng mga magulang. Ito ang kanyang sagot sa dalawa:

"Sinabi ko lang naman ang totoo, Dad..." mahinang patuloy ni Junior. "Siguro, kung no'ng panahon n'yo, kumibo na ang mga magulang namin... kung nakipaglaban na para sa ating mga karapatan bilang tao... hindi siguro namin kakailanganin ang lumakad sa kalye. Kaming mga wala pang sapat na gulang... hindi siguro kailangang sumigaw... at mamatay..." Nanginginig ang tinig ni Junior. "Siguro, kung kayo ang sumigaw ng Makibaka, huwag matakot... baka iba ang buhay naming mga kabataan ngayon!"


Tunay na henyo yang si Liwayway A. Arceo. Sa susunod kong pagpunta sa National, titingin ako ng iba pa nyang akda. May mga nobela na rin siyang naging pelikula na kagaya ng Titser (na pinagbidahan noon ni Maricel Soriano) at ang Lumapit, Lumayo ang Umaga (na ang pangunahing bidang babae ay si La O - Elizabeth Oropesa). Si La O ang isang sikat na bomba star noong panahong ako ay nagbibinata. Marami akong anak sa kanya na na-flush sa inidoro ng bahay namin sa Quezon.

O, Jillian, kung nagbabasa ka nito (alam kong hindi), biro lang ang huli kong sinabi.

Mabuhay ka, Gng. Liwayway A. Arceo! Pinaligaya mo ako ng iyong nobela. Higit pa sa kaligayahang naramdaman ko sa pagkapanalong muli ni Manny "Pacman" Pacquio!

[PDF] Canal De La Reina download

Book info

Title
eBook formateBook, (torrent)En
Author
File size5.9 Mb
GanreAcademic
ISBN9789711130503
Book rating4.52 (380 votes)
 rate rate rate rate rate

Other Formats

1 comment

1. Persia Emily | 09.04.2015 17:33

avatar avatar_frame

Thank you! Great book!

Post your comments


©2009-2016 Rel books. All rights reserved.